Liverpool fitoi sot 3-1 me përmbysje në shtëpi kundër Ëolves, duke mos dalë kampion i Premier League, pasi edhe City i Guardiolës mori tri pikë. Me një pikë më pak në renditje, duket se trajneri i Liverpool qan pjesën e parë të sezonit.
“Nëse do ta dinim situatën përpara sezonit, me siguri do të kisha thënë se do ta pranoja një fund të tillë – megjithëse nuk jam shumë i sigurt për këtë. Nëse doni të fitoni shumë, ju duhet të jeni gati për të humbur beteja të mëdha. Kjo është ajo që ne bëmë sot.
E gjitha ka të bëjë me reagimin. Ne nuk mund të reagojmë në ligë nesër, por vitin e ardhshëm mundemi.
Ua kam thënë tashmë 500 milionë herë. Ky është grupi më i mirë që kam pasur ndonjëherë. Është kënaqësi të shkosh në punë çdo mëngjes. Ne kemi nevojë për një bazë solide për të reaguar ndaj humbjeve. Ne e dimë pse nuk ia dolëm – na duhej pak më shumë qëndrueshmëri në gjysmën e parë të sezonit.
Ka hapësirë për përmirësim dhe ne do të punojmë për këtë. Është shumë mirë kur nuk të duhen 10 ndryshime, thjesht ndërto mbi atë që ke. Kjo është ajo që do të bëjmë.
Nëse njerëzit nga jashtë nuk e kuptojnë se sa i veçantë është ky klub, unë nuk mund t’i ndihmoj ata. Shpresojmë që tani, ne do të marrim trofeun tonë të tretë të sezonit”, tha Klopp.
Pas ndeshjes ka folur edhe sulmuesi i Liverpool, Diego Jota.
“Ditë emocionale. Tifozët reaguan ndaj gjithçkaje që po ndodhte në ndeshjen tjetër dhe ne ndjemë pak presion në lojë. Fituam por nuk mjaftoi.
Pyeta dhe ishte 2-0. 75 minutat të japin shpresë shtesë, por mund të të vrasin edhe ty.
Ne i çuam të gjitha garat në ndeshjen e fundit. Fituam dy, humbëm këtë dhe tjetra është jashtëzakonisht e rëndësishme. Të pushojmë për disa ditë dhe të shkojmë përsëri”, tha Jota.
Loading ...
