Bayern Munich dhe problemet me dëmtimet nuk e kanë në mend të largohet nga njëri-tjetri. Pas dëmtimeve të rëndësishme të lojtarëve si, Gnabry, Kimich, Laimer dhe Upamecano, bavarezët tashmë duhet të bëjnë llogaritë edhe pa një tjetër lojtar kyç.
Kingsley Coman u dëmtua në sfidën e sotme që Bayerni luajti përballë Augsburg. Sulmuesit francez iu desh të linte fushën e lojës në minutën e 26’ të sfidës, duke i lënë vendin talentit Tel.
Në pamje të parë dëmtimi i Coman u duk shumë i rëndë, pasi francezi nuk doli dot nga fusha pa ndihmën e dy mjekëve. Madje lojtari nuk e ulte dot këmbën në tokë, duke i shtuar kështu një tjetër problem trajnerit Tuchel.
Pritet të shihet nga testet dhe analizat mjekësore se cili është niveli i dëmtimit, me bavarezët që “kryqëzojnë” gishtat që dëmtimi të mos jetë serioz.
Lexo gjithashtu
