Gjyqtarja e Bundesligës gjermane, Bibiana Steinhaus dhe Haward Webb janë martuar. Lajmin e ka konfirmuar për Bild gjyqtarja, që tregon se prej pandemisë nuk ka pasur shumë të ftuar në ceremoninë.
Webb prej kohësh e ka lënë arbitrimin në Premier League në Angli, duke gjetur dashurinë në krahët e vajzës që ka të njëjtin profesion.
"Po është e vërtetë. Ne u martuam gjatë pushimit të fundit ndërkombëtar dhe jemi shumë të lumtur. Fatkeqësisht për shkak të pandemisë Covid-19, Howard dhe unë ishim në gjendje të bënim një hap të rëndësishëm vetëm si çift, as dëshmitarët nuk u lejuan. Sigurisht që s'kishte as muaj mjalti", ka thënë Steinhaus për Bild.
Pavarësisht martesës, të dy vazhdojnë të kenë një lidhje në distancë. Webb jeton në New York, kurse Steinhaus në Hanover.
Lexo gjithashtu
