Atalanta dhe Real Madrid përballen me njëra tjerën në orën 21.00 nesër, në sifdën e vlefshme për Champions League. Trajneri i madrilenëve, Zidane ka folur për mediet në prag të këtij takimi. Ai vlerëson maksimalisht rivalin, teksa ndikim do kenë edhe mungesat. I pyetur se çfarë cilësish kanë bergamaskët, numri një i stolit shprehet se Atalanta është si Ajaxi dy vite më parë.
“Ne e dimë lojën që na pret nesër (e mërkure) dhe ne e dimë se nga po vijmë. Ne kemi punuar mirë, jemi të përqendruar dhe kemi nevojë për të marrë një rezultat të mirë. Ne kemi përvojën e duhur dhe shpresojmë të arrijmë në finale. Ne kemi të gjitha synimet për ta bërë këtë, kjo është ajo që bën Real Madrid: ne shkojmë atje për të fituar. Ka edhe një ndeshje të dytë, por ne jemi të përqendruar në ndeshjen e nesërme.
Të gjithë lojtarët janë të rëndësishëm dhe çdo trajner ka burimet e tij. Ne i dimë pikat tona të forta dhe do të përpiqemi t’i shfrytëzojmë sa më shumë. Ne e përgatitëm ndeshjen me këta lojtarë dhe do të shkojmë atje me qëndrimin tonë të zakonshëm. Unë nuk do të pranoja një barazim, ne luajmë për të fituar. Ne nuk i njohim shumë mirë kundërshtarët tanë dhe duhet të luajmë futbollin tonë, ndërsa gjithashtu jemi adaptuar në stilin e lojës së Atalantas. Ata janë një ekip shumë sulmues, i ngjashëm me Ajax dy vjet më parë. Ata kanë lojtarë individualë të shkëlqyeshëm, janë solidë dhe pres që nesër të jetë një lojë e mrekullueshme e futbollit” – tha ai.
Loading ...
