Gianluca Lapadula braktis përfundimisht Kombëtaren italiane. Sulmuesi 30-vjeçar i lindur në Torino ka vendosur që të luajë për Kombëtaren e Perusë, prejardhjen e nënës së tij.
Lapadula u ftua në Kombëtaren e Italisë 3 vite më parë duke luajtur në ndeshjen miqësore ndaj San Marinos, ndërsa tani ka pranuar të luajë për Perunë dhe tashmë gjithçka ka marrë formë zyrtare.
Ricardo Gareca, trajneri i kombëtares peruane ka bërë me dije se Lapadula do të ftohet për dy ndeshjet e muajit të nëntor ndaj Kilit dhe Argjentinës që janë të vlefshme për eleminatoret e Kupës së Botës.