Ermal Barushi zgjedh një stërvitje speciale për të mbajtur ritmin dhe formën trupore në parametrat e duhur. Ashtu si futbollistët edhe gjyqtarët duhet të stërviten, madje gjyqtari anësor i Superligës zgjedh shpesh të kombinojë përgatitjen e tij. Jo vetëm në fushat e gjelbërta, por edhe në park, një pedalim të gjatë me biçikletë dhe së fundmi stërvitje në terren të vështirë, në pyll.
Barushi, i cili është cilësuar si një nga arbitrat asistentë më të mirë në Superligë dhe që i besohen shpesh sfidat nga ato që quhen “big”, sot ka publikuar një video në profilin e tij në Facebook, ndërsa shkruante: “Në stadium, park, ose pyll, nuk është e rëndësishme. E rëndësishme është të stërvitesh çdo ditë të javës!”.
Loading ...
