Kombëtarja prej ditësh tashmë ka nisur përgatitjet për duelin me Çekinë, përballje kjo që do të luhet në “Air Albania” ditën e shtunë duke nisur që nga ora 20:45. Një duel shumë i rëndësishmë për kuqezintjë, të cilët janë të dënuar vetëm për fitoren për të tentuar edhe vendin e parë në grupin B1 të Nations League.
Në këtë ngrumbullim “hallet” janë të mëdha për Sylvinhon, i cili do të duhet të bëjë llogaritë pa Rey Manaj, Berat Gjimshitin, Keidi Baren dhe Marash Kumbullën. Të 4 futbollistët kanë “braktisur” këtë grumbullim të detyruar nga dëmtimet.
Gjithsesi braziliani nuk ka kohë për të humbur dhe po përgatit në detaje duelin me çekët. Madje gjatë një séance stërvitore ka vendosur të jetë i vetëm në tribunë dhe të shikojë gjithçka nga shkallët e stadiumit. Një mënyrë kjo nga Sylvinho të studiojë të gjithë lojtarët nga “larg” dhe të mendojë qetësisht për kurthin “anti-Çeki”.
Lexo gjithashtu
