Kombëtarja shqiptare ndodhet në Gjermani, ku ditën e nesër do të nisë përgatitjet për duelin me Italinë. Kjo përballje do të luhet më 15 qershor në orën 21:00 në “Signal Iduna Park” në Dortmund.
Gjithsesi përpara se kuqezinjtë të nisin punën për italianët kanë bërë fotot zyrtare. Atmosfera në ekip është mjaft e mirë, teksa futbollistët u janë përgjigjur disa pytjeve të bëra nga mediat e huaja.
Armando Broja është pyetur se cilin lojtar nga shtet e tjera do ta dëshironte te Shqipëria dhe sulmuesi ka thënë emrin e Kevin De Bruyne.
Ndërkohë nga ana tjetër Ylber Ramadani është pyetur se cili nga futbollistët e ndjen më shumë himnin e Kombëtares. Mesfushori ka deklaruar se Qazim Laçi është lojtari që e ndjen me shumë himnin dhe madje mbyll dhe sytë gjatë këndimit të tij.
Lexo gjithashtu
