Pritjes i erdhi fundi dhe të gjithë ditën e sotme jemi “sy e veshë” nga Dortmundi. Kombëtarja shqiptare do të sfidojë Italinë në “Signal Iduna Park” në orën 21:00. Një duel mjaft i rëndësishëm për kuqezinjtë në rrugëtimin e tyre në Euro 2024.
Emocionet kanë “kapluar” tifozët, të cilët kanë “pushtuar” Dortmundin dhe mbështetja e tyre do të jetë mjaft e madhe në shkallët e stadiumit. Dortmundi “flet” shqip dhe tashmë mbizotërojnë kudo ngjyrat kuqezi.
Por, cilat janë futbollistët më të vlefshëm dhe më pak të vlefshëm në ekipin e kuqezinjve. Sipas faqes së specializuar të statistikave dhe transferimeve, “Transfermarkt” vetëm 4 lojtarë vlejnë mbi 10 milionë euro te Kombëtarja.
Sigurisht më i shtrenjti është Armando Brojaa, i cili vlerësohet me 22 milionë euro. Pas tij vjen Kristjan Asllani me 16 milionë euro dhe që luan me Interin në Serie A. I treti është Ernest Muçi i Besiktas me vlerë 13 milioonë euro dhe më pas është Berat Gjimshiti me 10 milionë euro. Top-5 e mbyll sulmuesi i Sivasspor, Rey Manaj, i cili kushton 5 milionë euro.
Lexo gjithashtu
