Pas fitores 3-0 në miqësoren e parë përballë Lihtenshtejnit, Kombëtarja shqiptare luajti mbrëmjen e sotme përballë Azerbajxhanit në provën e dytë para nisjes së EURO 2024. Sfida e zhvilluar në “Haladás Sportkomplexum” të Hungarisë, përfundoi me fitoren 3-1 të kuqezinjve. Pas kësaj sfide ka folur edhe autori i golit të parë dhe asistuesi te goli i 3-të, Nedim Bajrami.
“Besoj se këtu në Kombëtare jemi të gjithë të motivuar dhe të gjithë duan të japin maksimumin. Të gjithë e dinë se goditjet nga jashtë i provojmë gjithmonë. Edhe ndeshjen e shkuar Asani shënoi supergol dhe do të vazhdojmë kështu. Jo vetëm unë, por e gjithë skuadra do ikim në Europian. Për shumë çuna është eksperiencë e re. Jemi përgatitur shumë mirë dhe besoj se jemi gati për Italinë”, u shpreh fillimisht Bajrami.
Si shkon kombinimi me Brojën, pasi është risi?
“Me Brojën kuptohemi shumë mirë si në fushë dhe jashtë. Broja ka munguar prej dëmtimit por tashmë është kthyer. Kush është titullar dhe kush jo e di trajneri. Ndihem shumë mirë me Brojën. Kemi kundërshtarë të vështirë në Europian, por duhet të japim maksimumin”.
Lexo gjithashtu
