Erald Çinari vazhdon që të jetë një makth për portierët kundërshtarë në Armeni. Sulmuesi shkodran është shfaqur përsëri protagonist me ekipin e tij, Noah, por kësaj herë jo në kampionat. Skuadra ku aktivizohet Çinari luajti sot ndeshjen e dytë çerekfinale përballë Gandzasar, duke triumfuar 4-0, pasi kishte fituar edhe në të parën 0-3.
Pikërisht në ndeshjen e sotme, shkodrani nuk kishte si të dilte nga fusha e lojës pa lënë shenjën e tij. Në minutën e 81-të të sfidës, Çinari ia doli mjaft mirë që të shënonte gol në këtë sfidë, i cili ishte i 3-ti për ekipin e Noah. Një gol që “vulosi” përfundimisht kualifikimin e Noah në gjysmëfinalen e kupës së Armenisë.
28-vjeçari po zhvillon një sezon fantastik në Armeni, duke dhuruar performanca të shkëlqyera, gola dhe asiste të shumtë. Kujtojmë se në 31 ndeshje të zhvilluara këtë sezon, Çinari ka shënuar 13 gola dhe asistuar në 6 të tjerë.
Goli i Erald Çinarit
Lexo gjithashtu
