Rudolf Turkaj është shfaqur protagonist në ndeshjen që ekipi i tij, Istiqlol Dushanbe ka barazuar në transfertë përballë CSKA Pomir Dushanbe. Sfida e vlefshme për javën e 16-të të kampionatit të Taxhikistanit, përfundoi 3-3.
Ishte pikërisht qendërmbrojtësi shqiptar, ai që ndihmoj ekipin e tij të merrte 1 pikë të vlefshme. Në minutën e 37-të të sfidës, Turkaj ia doli që të “tundte” rrjetën e kundërshtarëve, duke gjetur kështu golin e tij personal.
Megjithatë, nuk mjaftoi, pasi përfundimi ishte i barabartë. Kujtojmë se Turkaj u bashkua me Istiqlol në verë të këtij viti. Ai mbylli aventurën në Kosovë me Suharekën, për të nisur një të re në elitën e futbollit të Taxhikistanit.
Kujtojmë se në Shqipëri, 30-vjeçari është aktivizuar me ekipe si Shkëndija e Tiranës, Besëlidhja, Shënkolli, Iliria dhe Laçi.
Lexo gjithashtu
