Kampionati gjerman vijon vrullshëm e bashkë me të edhe presioni i lojtarëve për të përfaqësuar më të mirën gjithashtu. Parë në rrafshin e futbollistëve shqiptarë, ata po shijojnë lavdinë e talenteve të tyre.
Specifikisht 2 futbollistët shqiptarë të cilët po bëjnë shumë mirë janë mbrojtësi Albian Hajdari, mesfushori Leon Avdullahu. Prezenca e tyre në fushë e “nderoi” ekipin e Hoffenheim, pasi mposhtën Augsburgun me rezultat 3-0.
Kombinimi interesant ishte mes Albian Hajdarit dhe Leon Avdullahut, secili prej tyre dha më të mirën nga vetja. Nga ana tjetër edhe “sofascore” i ka vlerësuar me nota shumë të mira të dy futbollistë. Ku Albian Hajdari ka notën 7.9 ndërsa Leon Avdullahu me 7.7.
Rikujtojmë se në Bundesligë, Hoffenheim aktualisht ndodhet në vendin e 4-të me 23 pikë.
