Kirian Rodriguez njoftoi largimin nga futbolli në një konferencë shtypi. Lojtari i Las Palmas ndau deklaratë emocionuese rreth tërheqjes momentale nga sporti që dashuron dhe pa i dhënë forcë e kurajo nuk ka ngelur as Armando Sadiku.
Legjionari në një postim në rrjetet sociale ka shpërndarë foton e spanjollit dhe i ka shkruajtur në gjuhën iberike “Mucha fuerza querido”. Rodriguez e ka pezulluar përkohësisht karrierën pasi është diagnostikuar me kancer.
Pas lajmit të hidhur, sulmuesi elbasanas ka vendosur të mbështesë ish-kolegun pasi Kirian dhe shqiptari kanë qenë shokë ekipi tek ishullorët.
Kujtojmë që sulmuesi i Kombëtares ka qenë pjesë e verdhebluve në La Liga para disa edicionesh, ndërsa futbollisti me sëmundje ka që në vitin 2019 aty.
Lojtari kuqezi që luan në Indi momentalisht nuk i harron shokët me të cilët ka ndarë momente nga karriera e gjatë nëpër klube të ndryshme dhe njëherë tjetër ka treguar zemrën e madhe që posedon.
Lexo gjithashtu
