Trabzonspori ka vendosur të blejë përfundimisht kartonin e Ernest Muçit nga Besiktasi. Kështu raporton media turke, “TAKA Gazetesi”, që shkruan se klubi nga Trabzoni ka aktivizuar të drejtën e blerjes për shumën e 20 milionë eurove, përfshi këtu dhe fitimet e sulmuesit shqiptar.
Ylli i Kombëtares do të nënshkruajë një kontratë 4 vjeçare, me opsionin për ta rinovuar dhe një vit më shumë, duke i dhënë fund dhe dilemave të tij për të qartësuar njëherë e mirë të ardhmen.
Kujtojmë se “Shqiponjat” e Stambollit, më konkretisht presidenti Serdal Adali rezistuan në "ekstrem" për të kënaqur pretendimet e tyre, por “kokëfortësia” nuk zgjati shumë duke bërë që kjo çështje të marrë drejtimin e duhur përpara datës 22 maj që ishte dhe "afati" i fundit për të ndarë "shapin nga sheqeri".
Me “firmën” e Muçit, drejtuesit e klubit kompletojnë dhe transferimin e tretë për sezonin e ardhshëm, pasi morën me parametra zero Ruslan Malinovskyin dhe blenë po ashtu Thierry Karadeniz.
Trabzonspor’da Ernest Muçi Kararı! Dev Transferin Maliyeti Ortaya Çıktıhttps://t.co/ChmB7fsgQS pic.twitter.com/h0IZ3XJ704
— Taka Gazetesi (@TakaGazetesi) May 16, 2026
Lexo gjithashtu
