Sot është një ditë ndryshe për Sylvinhon. Trajneri i kombëtares shqiptare feston 50-vjetorin e tij të lindjes dhe në këtë ditë urimet për të janë të shumta.
Armand Duka është njëri prej tyre që ka zgjedhur të shpeh urimet e tij për timonierin e kombëtares shqiptare. Në urimin e tij kreu i FSHF-së i ka uruar lumturi, shëndet dhe sa më shumë suksese në jetë dhe karrierë.
“Sylvio Mendes Campos Junior, trajneri i Kombëtares sonë, feston sot ditëlindjen dhe në emrin tim dhe të çdo anëtari të komunitetit të futbollit dua t'i uroj atij shëndet, lumturi pafund dhe sa më shumë suksese në jetë e karrierë! Gëzuar ditëlindjen Silvinjo!”, ka shkruar Duka.
Ky 50-vjetor është shumë veçantë për brazilianin, i cili e feston si kuqezi duke menduar njëkohësisht edhe për finalen e Euro 2024, aty ku do të ketë mundësinë që me kombëtaren shqiptare të përfaqësojnë të gjithë shqiptarët anembanë botës.
Lexo gjithashtu
