Federata Shqiptare e Futbollit ka prezantuar fanellat e reja që Shqiponjat do të veshin në ndeshjet kualifikuese për Kampionatin Botëror FIFA 2026. Lojtarët e drejtuar nga Sylvinho do të veshin fanellat e reja që në ndeshjen e parë të fazës së kualifikimeve që do të zhvillohet më 21 mars kundër Anglisë.
Pikërisht për dizajnin e kësaj fanelle të re ka folur ideatori, Fisnik Ismaili. I ftuar në emisionin “Opinion” nga Blendi Fevziu, Ismaili ka treguar çdo detaj të fanellës, që nga portreti i Skënderbeut, gjarpri dhe natyra shqiptare.
“Ideja ishte të krijohej një motiv në formë shqiponje, e më pas elementet të formonin një rrëfim të historisë shqiptare. Në pjesën e kraharorit janë natyra, deti, varka, lumi, fryma, dielli, dallëndyshja, lepuri dhe lulja. Pjesa e krahëve është e karakteristikave të Kombëtares, është një valë.
Është edhe simboli i shqiponjës me duar, është dhelpra që tregon dinakërinë tonë. Është ylli që simbolizon lojtarët e Kombëtares që vijnë nga 4 anët e botës. Pjesa qëndrore e kësaj është profile i Skënderbeut që i shkon deri në fund, shihen me shqiponjën sy më sy. Por në mes kanë armikun, gjarprin. Është bërë për të qenë fanellë historike”, u shpreh Fisnik Ismaili.
Lexo gjithashtu
