Drejtoria Teknike e FSHF zhvilloi një mbledhje në ambientet e “Shtëpisë së Futbollit” për të diskutuar mbi reformën e kampionateve të moshave.
Në mbledhje morën pjesë përgjegjësit e akademive të klubeve, ekipet e para që marrin pjesë në kampionatet “Abissnet Superiore” dhe Kategoria e Parë, si dhe presidentët e akademive private që garojnë në kampionatet U13-U19.
Federata e Futbollit propozoi që me anë të pjesëmarrjes aktive të të gjithë përfaqësuesve të klubeve dhe akademive, të ndaheshin idetë, sugjerimet dhe pikëpamjet e tyre, për përmirësimin e vazhdueshëm të cilësisë së futbollit të së ardhmes.
Në vijim të këtij takimi, do të krijohet një reformë kampionatesh që do të përmbushë kërkesat e klubeve. Ndërkohë, në sezonin e ardhshëm, të gjitha klubet që kanë ekipe të moshave 5-8 dhe 9-13 vjeç, do të kenë në dispozicion një material didaktik, që do të përmbajë ushtrime teknike, lojëra taktike dhe elementë të tjerë ndihmues për ta bërë proçesin e punës më të lehtë dhe më efikas.
Lexo gjithashtu
