Franko Burraj ka përfunduar aventurën e tij në Lojërat Olimpike “Paris 2024”. Edhe pse ia doli që të kualifikohej në raundin e parë, pasi u rendit i dyti në raundin paraeliminator, Burraj nuk ia doli që të vazhdonte më tej.
Atleti 25-vjeçar garoi në baterinë e katër në garën e 100 metrave. Nga 9 atletë, Burraj u rendit i teti, duke i dhënë fund rrugëtimit në Paris. Shqiptari i bëri 100 metrat për 10.66 sekonda, duke lënë pas tij vetëm polakun Wdowik, 11.53 sekonda.
Në vendin e parë u rendit xhamajkani, Seville, ndërsa pas tij dolën, Sani Brown (Japoni), Boonson (Tailandë), Ashe (Nigeri), Asemota (Kanada), Jones (Bahamas) dhe Santos nga Angola. Pavarësisht eliminimit, Burraj bëri një paraqitje prestigjioze në kryeqytetin francez gjatë kësaj olimpiade.
Lexo gjithashtu
