Serfisti profesionist amerikan, Mikala Jones ka vdekur pas një aksidenti fatal duke bërë serf në brigjet e ishujve Mentawai të Indonezisë. Lajmi për vdekjen e Jones u bë i ditur nga vajza e tij Isabella, në një postim në Instagram.
“Babai pësoi një aksident të keq në surf dhe nuk ia doli”, shkroi ajo.
Sipas medieve, thuhet se 44-vjeçari ka shkëputur arterien e tij femorale gjatë serfit në Ishujt Mentawai të dielën. Lëndimi bëri që Jones të vdiste për shkak të humbjes së gjakut.
Zyrtarët e policisë thanë se Jones kishte pësuar një plagë 10 centimetra të gjatë në pjesën e brendshme të ijes së majtë. Ekzaminimet nga mjekëoligjorët thanë se të gjithë shenjat tregonin për një prerje të arteries femorale, e cila dyshohet se është goditur nga një pjesë e thyer e dërrasës së serfit.
Surfline raportoi se menaxheri i i resortit ku po qëndronte sportisit me familjen e tij, kontaktoi Spitalin Mentawai, i cili dërgoi stafin për të marrë Jones në Tuapeja Pier, ku ai ishte shoqëruar me varkë, por ai u deklarua i vdekur në spital.
Lexo gjithashtu
