Boston Celtics dhe Los Angeles Lakers janë dy skuadrat më të mëdha në NBA dhe mbrëmë janë përballur në TD Garden. Ka qenë një ndeshje spektakolare e zhvilluar në praninë e rreth 20 mijë tifozëve, ku u desh të luhet edhe koha shtesë për tu kuptuar fituesi.
Celtics në fund fituan pas vazhdimeve me rezultat 125:121 pasi koha e rregullt kishte përfunduar baras 105:105. Dyshja e Celtics, Jaylen Broën dhe Jayson Tatum kanë shënuar më shumë se gjysmën e pikëve në këtë takim pasi së bashku realizuan 67 sosh.
Brown e mbylli ndeshjen me 37 pikë, nëntë kërcime e tre asistime, derisa Tatum shtoi 30 pikë të tjera e 11 kërcime. Me lojë të mirë te skuadra fituese u dallua edhe Malcolm Brogdon që realizoi 26 pikë.
Te mysafirët si gjithmonë LeBron James ishte më i miri në ndeshje me 41 pikë, nëntë kërcime e tetë asistime. Anthony Davis u rikthye nga lëndimi dhe kontribuoi me 16 pikë e 10 kërcime, por që nuk mjaftuan për fitoren e Lakers.
Lexo gjithashtu
