Derbi i Sarajevës, kryeqytetit të Bosnjës, është një nga ndeshjet më të zjarrta të kampionatit të shtetit ballkanik. Sarajevo – Zeljezniçar u luajt mbrëmë për llogari të javës së parë të kampionatit boshnjak, ndërsa tifozët e kanë ndezur flakë stadiumin.
Ka pasur përforcime në tifozeri, ku secila palë ka ftuar tifozeritë e tjera mike, ndaj stadiumi ka qenë i mbushur plotë e përplot, madje nuk kanë munguar forcat shtesë të policisë. Gjithsesi, uniformat policore nuk kanë arritur që ta ndalin festën. Sa i përket rezultatit, skuadrat u ndanë në mënyrë të barabartë, me shifrat 1-1.