Italia dhe Anglia përballen nesër në 21:00 për finalen e Europianit 2020. Sfida që do luhet në "Wembley" është komentuar edhe nga trajneri i "Tre Luanëve". Gareth Southgate si fillim komplimenton Italinë edhe për historinë e saj, teksa lëshon sfidën për finalen. Mision historik, kështu e quan trajneri fitimin e trofeut.
"Italia është një skuadër shumë e mirë dhe fakti që ka luajtur 10 finale mes Europianit e Botërorit, e bën edhe më të jashtëzakonshme. Mancini ka bërë një punë të jashtëzakonshme, pasi jo vetëm që kanë fituar shumë ndeshje, por pësojnë edhe pak gola. Ne kemi detyrën ta çojmë deri në fund misionin tonë historik dhe do të përballojmë kundërshtarin me entuziazëm dhe shumë dëshirë për të bërë mirë.
Të dëgjosh "Wembley"-n që ushton, por edhe gjithë vendin, është diçka e jashtëzakonshme. Nuk mund të isha më i lumtur, sesa të drejtoj përfaqësuesen e vendit tim dhe të provoj t'i bëj njerëzit të lumtur, në një moment të vështirë. Është një ndjesi vërtetë speciale", deklaroi trajneri anglez.
Lexo gjithashtu
