Komiteti Olimpik Kombëtar Shqiptar ka pritur sot peshëngritësit Briken Calja dhe Erkand Qerimaj, që i dhuruan vendit tonë tre medalje në Botërorin 2021 të zhvilluar në Uzbekistan pak javë më parë. KOKSH ka ndihmuar financiarisht federatën e shtangës, teksa në fund rezultati ka qenë ai që pritej.
Tre medalje, një të artë dhe dy të argjendta ia doli të merrte Calja, ndërsa vendi i katërt për Qerimaj. Në eventin e sotëm falenderues, dy sportistët theksuan rëndësinë e mbështetjes së këtij sporti, aty ku Shqipëria ka qenë gjithmonë pretendente për medalje në arenën ndërkombëtare.
“Federata e Peshëngritjes është një nga më të rëndësishmet në KOKSH, ka nderuar Shqipërinë me peshëngritësit e saj me medalje të shumta evropiane dhe botërore”, tha kreu i KOSKH, Fidel Ylli.
Lexo gjithashtu
