Vedat Muriqi ka lënë pas dëmtimin e pësuar dhe tashmë është kthyer sërish protagonist me Fenerbaçen. Sulmuesi shqiptar ishte protagonist në fitoren e djeshme 5-2 ndaj Gencbiriligi ku shënoi një dopietë. Muriqi me dy golëshin e djeshëm është ngjitur në krye të listës së golashënuesve në Turqi me 9 gola.
Paraqitjet e tij pozitive po ndiqen me vëmendje nga shumë klube në Europë. Në sfidën që u zhvlliua dje, në stadium të pranishëm ishin edhe skautët e klubeve si Monaco, Leicester dhe Frankfurtit. Sulmuesi nuk zhgënjeu, por arriti të bënte një performancë mjaft të mirë duke shënuar dy gola. Në merkaton e janarit me shumë mundësi, Muriqi mund të largohet për bërë hapin e madh në karrierë, nëse klubet e interesuara plotësojnë kushtet e Fenerbaçes.
Lexo gjithashtu
