Arbitri shqiptar Eduart Pashuku synon të bëhet gjyqtari i parë i huaj që drejton ndeshje futbolli në elitën e futbollit italian Serie A. Media "Shqipëria.ch" ka bërë një pasqyrim të karrierës së 30-vjeçarit.
Pashuku emigroi në Itali në fillim të këtij mijëvjeçari si shumë bashkëpatriotë të tij për një jetë më të mirë. Ai iu rrugës së arbitrimit duke kaluar nga Seria C në Serinë B, ku ka shërbyer si gjyqtar i katërt në një ndeshje të nivelit të dytë të futbollit italian. Pashuku ka ambicien për t'u bërë gjyqtari i parë i huaj që jep verdikt në një ndeshje të Serisë A. E gjitha kjo ngjan me një ëndërr të pabesueshme, por në varësi të performanceve dhe rritjes së profesionalizmit shkodrani mund të thyejë tabunë e vendosur prej dekadash në futbollin italian.
Nga ana tjetër, një tjetër shqiptar gjykon në futbollin italian. Samir Kumara gjykon në divizionin e tretë të futbollit italian (Seria C) duke provuar se shqiptarët janë të aftë të kontribuojnë në futboll, jo vetëm si lojtarë, por si "bilbila".
Lexo gjithashtu
