Shqipëria U21 do të luaj sot në transfertë me Anglinë për kualifikueset e Europianit 2021 në stadiumin e Wolverhampton. Kuqezinjtë e vegjël do të kenë mungesën e trajnerit Alban Bushi, që qëndron në izolim pasi u testua pozitiv me Covid-19. Shpresa ka një detyrë të vështirë sot në 20:25, pasi Anglia është kryesuese e grupit dhe veç një barazimi ka fituar tetë nga nëntë ndeshjet e zhvilluara.
Kuqezinjtë mbajnë vendin e tretë në grupin e tyre dhe shanset për kualifikim ekzistojnë, mirëpo nuk varen nga këmbët e tyre. Do duhet një humbje ose barazim I Austrisë që përballet në 20:25 me Andorrën e vendit të fundit.
Nëse austriakët dështojnë atëherë kuqezinjtë për të parën herë në histori do të shkonin në fazën finale të Europianit U21. Vendi I tretë nuk kërcënohet, pasi Turqi qëndron katër pikë pas. Do të jetë Kosova kundërshtari i tyre, me ndeshjen që luhet në 17:00.
Lexo gjithashtu
