Mario Gëce duhet të qëndrojë larg fushave të blerta për një periudhë të pacaktuar. Mesfushori i Borusia Dortmund vuan nga një çregullim i metabolizmit dhe nuk dihet ende koha e saktë që i duhet për të rimarrë veten.
Lajmin e ka konfirmuar sot, Drejtori Sportiv i Dortmundit, Mikael Cork, i cili në një deklaratë për mediat në Gjermani u shpreh: “Është e nevojshme që të pushojë dhe të kthehet të luajë kur të jetë e nevojshme në bazë të shëndetit të tij. Gjysma e së keqes është se tashmë kemi mësuar arsyen e vërtetë të dëmtimeve të tij të shpeshta. Mario ka mbështetjen tonë maksimale”.
Gëce u rikthye në Dortmund në merkaton e verës në 2016-ën pas tre viteve pa shumë shkëlqim te Bajern Mynih, ndërsa falë talentit të tij ai përmbushi profecinë e legjendave të futbollit gjerman që e kishin konsideruar atë si “Shpëtimtarin e kombit”, duke shënuar në finalen e Botërorit “Brazil 2014” kundër Argjentinës në minutën e 113-të duke i dhënë trofeun Gjermanisë.
Loading ...
