Angel Di Maria nuk është vetëm një shok i Lionel Messit në kombëtare, por edhe një admirues i aftësive të kapitenit të Argjentinës.
I tillë është respekti i mesfushorit të Paris Saint Germain për Messin se ai do të jetë i gatshëm të "harrojë" të kaluarën e Real Madridit dhe të bashkohet me 31-vjeçarin në Barcelonë.
"Më pëlqen të luaj me Messin. Dua ta shoh atë në stërvitje, gjërat që ai bën, është diçka unike. Është e pamundur t'i shpjegosh. Unë kisha mundësinë të shkoj në Barcelonë dhe kjo nuk ndodhi. E vërteta është se nëse do të shkoj, do të duhej të ishte me të, ta shihja çdo ditë. Kur ai ka topin në këmbë, unë jam një spektator."-tha fillimisht argjentinasi.
Lidhur me një kalim të Di Maria te Barcelona, ai ka refuzuar të përjashtojë një lëvizje të tillë në të ardhmen.
"Marrëdhënia ime me Realin e Madridit ka mbaruar, sepse cikli im ka përfunduar atje. Sinqerisht nuk do të kisha problem të luaja në Barcelonë . Klubi i vetëm për të cilin nuk mund të nënshkruaj është Old Boys e Newellit,sepse jam një tifoz i madh i Rosario Central ".-përfundoi Di Maria.
Lexo gjithashtu
