Sistemi administrativ kombëtar ka hapur jo pak punë në futboll. Disa bashki kanë disa ekipe futbolli, ndërsa nuk kanë fuqi për t'i mbajtur. Kështu, ato janë të detyruara që të përcaktojnë të ardhmen e njërës apo tjetrës skuadër.
[caption id="attachment_26214" align="alignleft" width="300"]
Skuadra e Shënkollit[/caption]
Rasti në fjalë lidhet me Lezhën. Besëlidhja është ekipi tradicional i bashkisë së Lezhës, ku i gjithë qyteti përfaqësohet nga një fanellë. Mirëpo, Shënkolli është skuadra e re që këtë vit do të marrë pjesë në grupin e Veriut në Kategorinë e Parë së bashku me Besëlidhjen.
Kjo situatë ka vënë në pozitë bashkinë e cila duhet të përcaktojë ndarjen e fondit për sportin. Por, këtë herë çdo gjë është kthyer në konflikt të hapur interesi. Besëlidhja që drejtohet nga Gjok Noka dëshiron të mbështetet maksimalisht, ndërsa "shtojcat" të kalojnë te Shënkolli që drejtohet nga Artan Djala.
Pritet që shumë shpejt të ketë një vendim për ekipin e Shënkollit, i cili rrezikon të mos marrë pjesë e Kategorinë e Parë, edhe pse e ka historike, pasi është skuadër e krijuar rishtas.
Lexo gjithashtu
