Mesfushori i Real Madridit, Marco Asensio tashmë ka vendosur se ku do ta vazhdojë karrierën. Sipas RAC1 ai ka arritur një marrëveshje me “armikun” e madh të Galaktikëve, Barcelonën dhe do të kalojë në “Camp Nou” si lojtar i lirë.
Kontrata e 26-vjeçarit skadon verën që vjen dhe ai nuk ka ndërmend të rinovojë. Ditët e fundit është folur për interesim nga Barcelona dhe duket se ai është vërtet serioz.
Sipas informacioneve të fundit, katalanasit tashmë kanë kontaktuar lojtarin dhe i kanë bërë një ofertë specifike, të cilën ai e ka pranuar.
Të dyja palët nuk kanë ende një kontratë të nënshkruar, por Asensio i ka thënë “po” ofertës që i është bërë. Megjithatë, do të duhet të presim deri në verë përpara se marrëveshja të zyrtarizohet.
Loading ...
