Kampionati maqedonas zhvilloi sot 5 takime. Shkëndija ia doli të triumfojë 1-6 ndaj Vardarit. Të besuarit e Ernest Gjokës bënë gjithçka mirë, duke mos e vënë në asnjë çast në diskutim fitoren. Në këtë 90 minutësh shënoi edhe ishi i Superiores, Rubin Hebaj.
Fitore e rëndësishme dhe për Shkupin, që ia doli 1-3 ndaj Sileks, ndërsa barazim 1-1 mes Belasica dhe Rabotnicki. Makedonija GP rrëmbeu 3 pikë ndaj Renovës, me ndeshjen që u mbyll 1-2. Struga Trim & Lum pësoi disfatë 1-0 nga Akademija Pandev.
Kampionati kryesohet nga Shkëndija me 53 pikë, 7 më shumë sesa Shkupi.
Loading ...
