Kylian Mbape talenti i Monaco i jep një përgjigje pyetjes retorike: Kush e tha që ëndrrat nuk ekzistojnë? Sot vetëm 17 vjeç dhe titular tek klubi francez që sapo preu biletën për çerek finalet e UEFA Europa League. Edhe pse kualitetet e tij janë të dukshme për këdo, ai para 4 vitesh ka qenë vetëm një fëmijë 13 vjeçar i cili kishte idhujt e tij. Në këtë fotografi e shikojmë shumë të entuziazmuar teksa ka dalë në një fotografi me idhullin e tij asaj kohe Cristiano Ronaldo.
Po por në vetëm 4 vjet, ai as që mund ta imagjinonte se portugezin mund ta ketë përballë në shortin e çerek finaleve të kompeticionit dhe nga fotografia me të në pozitën e fansit, ai mund të shkëmbejë në fund fanellën si i barabartë. Një talent i rrallë i futbollit në një skuadër plot talente dhe që po prodhon një futboll mjaft tërheqës. Ata likuiduan një skuadër gjigante si Manchester City me rezultatin 3-1 dje në mbrëmje dhe tani shembulli më i mirë se ëndrra nuk ka kufi është pikërisht Mbape. Në fotografi kur ishte 13 vjeç dhe shikonte Ronaldon si idhull absolut, sot njëri nga protagonistët e futbollit mondan.
Loading ...
