Një situatë e pazakontë ka përfshirë klubin lacial, teksa trajneri i sapoardhur qëndroi vetëm dy ditë. Kështu që drejtuesit e Lazios janë vënë në lëvizje për të gjetur zëvendësuesin e tij. Presidenti Klaudio Lotito ka lajmëruar se do të hedhë në gjyq trajnerin argjentinas, duke udhëzuar menjëherë Igli Taren që të gjejë sa më shpejt një zëvendësues për të. Sipas mediave italiane një prej emrave që përflitet është pikërisht tekniku i përfaqësueses shqiptare, Gianni de Biazi.
Trajneri i kuqezinjve ka qenë prej kohësh në orbitën e Lacios, por palët nuk kanë diskutuar asnjëherë konkretisht mundësinë e emërimit të tij në stolin e bardhekaltërve. De Biazi ka marrëdhënie shumë të mira me Igli Taren, siç e ka pranuar vetë pak muaj më parë. Megjithatë mbetet për tu parë nëse trajneri italian do të pranojë të marrë nën drejtim skuadrën e Lazios.
Lexo gjithashtu
