Interi dhe Atletico Madrid u shortuan bashkë në Champions League. Një duel mjaft i vështirë dhe i komplikuar, me ekipet që synojnë t’i shkojnë deri në fund këtij kompeticioni.
Pas shortit ka folur Diego Simeone, i cili ka pranuar se do të jetë një përballje e vështirë, pasi Interi po kalon një moment të mirë si në kampionat ashtue dhe në Champions.
“Ne e dimë se Champions League do të jetë gjithmonë e komplikuar dhe se të gjithë rivalët janë të vështirë për t’u përballur. Interi është në një moment të jashtëzakonshëm, veçanërisht në kampionatin italian. Vitin e kaluar në Champions League ata u shfaqën shumë mirë. Më pëlqen shumë si luajnë, më pëlqen Simone Inzaghi dhe Javier Zanetti dhe padyshim që kam kujtime të mrekullueshme nga ajo që kam përjetuar në kohën e shkurtër që kam qenë në Milano. Do të jetë një ndeshje e vështirë dhe le të shpresojmë se mund të fitojmë”, përfundoi timonieri i spanjollëve.
Lexo gjithashtu
