Barcelona ka zyrtarizuar trajnerin e ri. Do të jetë ish tekniku i Betis që për dy vite e gjysmë do jetë në drejtimin e katalanasve. Në prezantimin e tij, trajneri 61 vjeçar ka folur për objektivat e klubit, duke theksuar se ende ka emocione dhe nuk e di se çfarë është të trajnosh lojtarin më të mirë në botë.
"Jam i lumtur që jam këtu, shpresoj të arrij objektivat sezonalë. Dua t'i transmetoj dëshirën dhe pasionin tim skuadrës. Kam biseduar me Valverden dhe puna e nisur prej tij është fantastike. Kam parë lojtarët dhe them se janë në gjendje të jashtëzakonshme dhe objektivi i të gjithëve është të fitojmë çdo gjë të mundshme. Messi? Për momentin nuk e di çfarë është të stërvisësh futbollistin më të mirë në botë, jam i emocionuar prej kësaj", ka thënë mes të tjerash trajneri i ri i Barcelonës.
Lexo gjithashtu
