Mohamed Salah mund të jetë duke luajtur sezonin e fundit me Liverpool. 31-vjeçari përflitet për një largim në Arabinë Sauditë, ku ofertat janë mjaft të larta. Kontrata është e vlefshme deri verën e vitit 2025, kështu dhe Liverpool me shumë gjasa do jetë i kënaqur me të ardhurat që do vijnë.
Sulmuesi i afruar në vitin 2017 dhe kthyer në pikë kyçe për vite me radhë, duhet zëvendësuar. Te Liverpool kanë filluar të lëvizin që tani, duke parë pistat e mundshme. Një prej tyre është Federico Chiesa.
Sulmuesi italian ka një kontratë të vlefshme te Juve, si Salah me Liverpool. Kjo është arsye përse “Zonja e Vjetër” do të sakrifikonte shërbimet në këmbim të një shume të majme.
Gjithçka mbetet për t’u parë. Liverpool po studion dhe pista të tjera, ndërsa mund të mos ketë vetëm një afrim si zëvendësim për Salah.
Lexo gjithashtu
