Anglia u mposht në shtëpi nga Italia. Pas 120 minutave lojë, finalja e Europianit 2020 u vendos nga penalltitë, me vendasit që humbën tre prej tyre. Saka, Sancho dhe Rashford gabuan nga 11 metra larg, me dy të fundit që u futën në fushë pikërisht në të 119 minutë vetëm për penalltitë.
Pas ndeshjes, në konferencën për mediet trajneri Gareth Southgate ka marrë përgjegjësitë e humbjes.
"Kjo është përgjegjësia ime. Zgjodha goditësit e penalltive bazuar në atë që kishim bërë në stërvitje dhe askush nuk vendosi vetë. Kemi fituar së bashku si skuadër dhe na takon të gjithëve ne përgjegjësia që nuk arritëm ta fitonim këtë ndeshje. Për sa u takon penalltive, ato ishin një vendim imi dhe mbeten me mua. Ne ishim të mirëpërgatitur për ndeshjen dhe e nisëm mirë. Por, fatkeqësisht djemtë nuk arritën të bënin më shumë.
Saka -Eshtë një superdjalë. Ai është kaq i dashur nga i gjithë grupi. Bëri një turne të pabesueshëm, ai është një yll dhe do të vazhdojë të jetë një yll.
Pas ndeshjes - Lojtarëve u thashë se jemi të gjithë bashkë, që kanë qenë të pabesueshëm dhe ishte kënaqësi puna me ta. I dhanë vendit kujtime të pabesueshme dhe kjo mbrëmje do të jetë e vështirë për të gjithë ne. Duhet të ndihemi të zhgënjyer, sepse mundësitë për të fituar trofe si këto janë shumë të rralla në jetë", tha Southgate.
Lexo gjithashtu
