Kvicha Kvaratskhelia ka dhënë një rrëfim special për UEFA-n. Gjeorgjiani foli për sezonin e tij, për qytetin e Napolit dhe për fanellën e kaltër që vesh.
“Maradona trajtohet si mbret këtu. Në fillim m’u duk e paimagjinueshme të shihja emrin tim pranë tij, mendova se po jetoja në ëndërr. Ka një kult këtu për Maradonën, dalëngadalë po mësohem sepse të krahasohesh me një futbollist si ai është e mrekullueshme.
Ishte e vështirë të imagjinoja të bëhesha një futbollist profesionist: është një sfidë e madhe të krijosh një rrugë të tillë nga një komb shumë i vogël. Por unë jam ambicioz dhe kam besuar gjithmonë në ëndrrën time, kjo ka luajtur një rol të madh në karrierën time.
Napoli? Ky qytet jeton për futbollin, unë luaj në një nga ligat më të mira në botë dhe jam mirënjohës për këtë. Ka një ndryshim të madh në aspektin e ritmit dhe shpejtësisë, futbollistët këtu janë jashtëzakonisht të talentuar teknikisht dhe shkëlqejnë në aspektin sulmues.
Presionet? Është një përgjegjësi e madhe. Ndonjëherë kam shumë peshë mbi supet e mia, por unë mund ta bëj. Nuk ka rëndësi, sepse kur shkoj në fushë ne luajmë 11 kundër 11 dhe i gjithë presioni zhduket. Unë bëj atë që bëj, me dashuri luaj futboll."
Lexo gjithashtu
