Portugezi shënoi 16 gola gjatë sezonit të shkuar të Champions League, derisa shënoi edhe në finale golin vendimtar nga penalltitë, për të fituar ‘La Undeciman’. Ronaldo mori çmimin si lojtari më i mirë i Champions League për sezonin e shkuar nga votuesit e mediave sportive "Marca" dhe "La Gazzetta dello Sport".
Gjatë ceremonisë portugezi foli për shumë gjëra, në veçanti për legjendat e Real Madrid, Di Stefano dhe Raul Gonzales, të cilët i ka lënë prapa sa i përket rekordeve me klubin spanjoll. "Asnjëherë nuk kam menduar se do t’i arrijë këto shifra. E di se Real Madridi është klubi më i madh në botë, por nuk kam pritur se do t’i thyej rekordet e Raul e Di Stefano. Unë dua të vazhdoj të punoj dhe të shkruaj histori me klubin më të madh në botë”, përfundoi CR7.
