Ronaldo ka një lajm të madh për të gjithë tifozët e tij

C. Ronaldo ka thënë se tashmë është më mirë dhe do të kthehet edhe më i fortë në kampionat. Ylli i Real Madridit po rikuperohet nga dëmtimi që pësoi në Euro 2016, në atë finale kundër Francës dhe u detyrua të linte fushën e lojës. Portugezi duket se do të kthehet më herët se sa ishte menduar. Mjekët kishin sqaruar që Ronaldo nuk mund të luante para shtatorit, por me shumë gjasa 31-vjeçari do të jetë më shpejt në fushën e lojës.

“Përshëndetje të gjithëve. Dua t’i përshëndes tifozët dhe të ju them se çdo gjë po shkon shumë mirë. Unë po punoj fort që të kthehem edhe më i fortë. Faleminderit të gjithëve dhe përpara Portugalia”, ka thënë Ronaldo.