Transferimi i Robert Lewandowskit te Barcelona ishte një nga lajmet e bujshme të kësaj merkato vere. Sulmuesi polak ka nisur menjëherë nga puna te katalanasit. Por, forma e tij fizike ka mrekulluar stafin teknik. Edhe pse në moshën 34-vjeçare dhe pa ngarkesën e duhur, ai i ka befasuar të gjithë. Po, kush fshihet pas yllit polak? Besojeni ose jo, por gruaja e tij ka mundësuar që Lewa të arrijë të mbajë këtë fizik.
Anna Lewandowska, gruaja e tij, ka të bëjë shumë me të. Ajo ishte një karateiste profesioniste, kampione kombëtare polake, kampione evropiane dhe medalje argjendi dhe bronzi në dy Kupa Botërore. Ajo u diplomua për edukim fizik dhe të ushqyerit, dhe që kur është me Lewandowski, ajo është përgjegjëse për dietën e tij.
“Robert më tha se kërcimi i madh në karrierën e tij erdhi kur ai ndryshoi ushqimin e tij”, tha Cionek, ish-shoku i tij i skuadrës. Çfarë e lë Ana të hajë? Ndër të tjera, mëngjes me shumë ton. Një ditë para ndeshjes, pas darkës, duhet të hani një pjatë oriz me qumësht.
Dhe pas lojës, për rikuperim, shumë avokado dhe perime. Përtej performancës së tij, vlen të përmendet se Lewandowski, një djalë që është mësuar të luajë 50 ndeshje në sezon në nivele të larta, nuk ka pësuar kurrë një dëmtim serioz.
