Qeveria e futbollit botëror FIFA miratoi në mbledhjen e sotme të Këshillit të Përgjitshëm propozimin për të organizuar kampionatin e ardhshëm botëror me 48 ekipe. Projekti i iniciuar prej kohësh do të aplikohet në bashkëpunim me vendin organizator të Kupës së Botës së 2022 Katarin.
Sipas mediave të huaja, FIFA dhe shteti arab do të diskutojnë planin për transformimin e kompeticionit më të ndjekur në botë për sportin. Nëse Katari jep "Ok"-in, zyrtarizimi i projektit do të bëhet në mbledhjen e ardhshme të Këshillit të FIFA-s.
Nga ana tjetër, dritën jeshile e mori dhe Botërori i Klubeve, ku propozimi i presidentit të FIFA-s Gianni Infantino për një garë midis 24 klubeve më të mira të botës të marrë jetë kaloi me sukses testin e parë në Këshillin e FIFA-s.
Këto dy projekte nuk kanë marrë akoma miratimin përfundimtar, por gjasat janë që në të ardhmen të finalizohen me sukses. Ndërkohë, UEFA refuzoi projektin që Botërori i Klubeve të luhet me 24 ekipe duke deklaruar se nuk do të dërgojë asnjë klub europian në këtë kompeticion.
Lexo gjithashtu
