Trajneri i Tottenham, Antonio Conte ka folur në konferencën për shtyp përpara sfidës me Milan. Ndeshja e vlefshme për 1/16 në Champions League do të luhet në San Siro, ku do të zhvillohet “akti i parë”. Tekniku italian është shprehur i emocionuar për rikthimin në stadiumin ku nxorri Inter kampion.
“Kthimi në San Siro më shkakton emocione të mëdha, kam kaluar dy vite intensive dhe të bukura në të cilën arritëm të bënim diçka të rëndësishme për Inter. Rikthimi më shkakton vërtet emocione të forta. Do të përballemi me kampionët e Italisë dhe e dimë se sa e vështirë është të fitosh Serie A. Ata kanë qenë të jashtëzakonshëm. Do të jetë një ndeshje e vështirë për të dy ekipet.
Si ndiheni tani? Mirë, por jo 100%. Ishte hera e parë për mua të isha larg ekipit për kaq kohë. Ishte e vështirë t’i shikoja ndeshjet nga shtëpia.
Bentacur mungon, Bssouma mungon dhe Sessegnon nuk është i gatshëm gjithashtu. Do të ketë ndonjë lajm nga mesfusha? Nuk kemi pasur kohë ta konsiderojmë këtë mundësi. Rodrigo u dëmtua dy ditë më parë dhe nuk kishim mundësi të reagonim. Nuk kemi shumë zgjidhje. Kemi lojtarë të mirë si Skipp dhe Sarr. Kemi folur me të rinjtë, tani është momenti i tyre dhe ne duhet t’i ndihmojmë ata të mposhtin emocionet. Të shpresojmë të mos kemi më dëmtime, përndryshe situata do të komplikohet.
Këtë vit skuadra po kalon shumë ulje-ngritje. Mendoj se nëse do të arrish diçka të rëndësishme, qëndrueshmëria është shumë e rëndësishme, jo të kesh ulje-ngritje. Le të përpiqemi ta kalojmë këtë, në Angli nuk është si në Itali. Jemi më të fokusuar në këtë pikëpamje, ndërsa në Angli nuk është shumë e lëhtë të mbash përqëndrimin në çdo ndeshje.
Marrëdhënia me Piolin. Unë shpesh i komplimentoj trajnerët që kanë fituar ose që më kanë mundur në të njëjtin kompeticion. Vlerësime i duhet dhënë kujtdo që ka qenë më i miri dhe Stefano ka pasur një rrugëtim të gjatë për të arritur suksesin. Jam i sigurt që e ka merituar që më përpara dhe çfarë ai bëri me Milan vitin e kaluar ishte e pabesuseshme, duke krijuar alkiminë e duhur, ekipin kompakt dhe përqëndrimin për të fituar kampionatin. Kam qenë i detyruar t’i çoja një mesazh urimi dhe do ta bëjë prapë kur ta takoj ballë për ballë.
Lexo gjithashtu
