Milani do të mundohet të lërë pas humbjen turpëruese të së dielës përballë Monzas në Serie A. Kuqezinjtë do të kërkojnë rikthimin te fitorja që në ndeshjen e nesërme përballë Rennes, në Europa League, sfidë e cila është e vlefshme për fazën e 1/16-ve
Ndeshja e parë në “San Siro”, përfundoi me fitoren e pastër 3-0 të ekipit të Stefano Piolit, teksa në prag të kësaj sfide është pikërisht ky i fundit që ka folur. Pavarësisht fitores që arritën në ndeshjen e parë, tekniku italian kërkon që ekipi i tij nesër të jetë shumë i fokusuar që në fillim, pasi Rennes do të kërkojë golin sapo të futen në fushë. Përsa i përket kritikave, Pioli shprehet se nuk i ka aspak problem.
“Skuadra është mirë, kishim një ditë pushim pas të dielës dhe të gjithë lojtarët janë në gjendje për të luajtur nesër. Duhet të jemi të përgatitur për ndeshjen ndaj Rennes, pasi ata do të kërkojnë të reagojnë që në fillim dhe për këtë duhet të jemi gati.
Formacioni? Nuk më pëlqen rotacioni masiv, mendoj për menaxhimin e një grupi që duhet të luajë 5 ndeshje në dy javë.
Kritikat? Nuk e kam problem. Kur trajnon një ekip të madh Si Milani dhe kur rezultatet mungojnë, atëherë vijnë edhe kritika. Por e theksoj që për mua këto nuk kanë asnjë problem”, është shprehur trajneri i Milanit, Stefano Pioli.
Lexo gjithashtu
