Anglia zhgënjeu totalisht në Nations League duke përfunduar në vendin e fundit në grup dhe kështu bie nga Liga A në atë B. Tre Luanët u mposhtën dy herë nga Hungaria dhe 1 herë nga Italia duke siguruar zbritjen 1 ndeshje nga fundit.
Në Angli polemika të forta janë ngritur për shkkarkimin e trajnerit Southgate. Në një intervistë, vetë tekniku 52-vjeçar del hapur duke folur për të ardhmen e tij.
“Nuk jam budalla. E di situatën. Do të gjykohem në bazë të performancës në Botëror. Kontratat nuk kanë shumë lidhje në futboll. Një trajner nënshkruan kontratë 3, 4 apo 5 vite dhe më pas duhet të pranosh q nëse rezultatet mungojnë atëherë është koha për ndarje. Pse duhet të jem unë ndryshe?
I jam mirënjohës Federatës për mbështetje por duhet të kuptojmë që nëse rezultatet mungojnë atëherë edhe sjellja ndryshon. Jam realist, E di që puna ime është në rrezik por ky është futbolli. Ne do të japim maksimumin në Katar.”- deklaroi Southgate.
Lexo gjithashtu
