Kreu i grupit rebel që rrëmbeu prindërit e yllit të Liverpool, Luis Diaz pranoi se ata bënë një ‘gabim’ duke mos liruar babanë e tij. Tashmë mbi 150 forca ushtarake janë angazhuar në zonën e Barrancas në Kolumbi, teksa autoritetet kërkojnë përshpejtimin e lirimit të babait të futbollistit.
“Mbajtja e babait të Luis Diaz nga Fronti i Luftës Veriore ishte një gabim,” shkroi komandanti i ELN Antonio Garcia në kanalin e tij Telegram, sipas AFP.
“Lucho është një simbol i Kolumbisë, kështu ndihemi ne në ELN për të”, shtoi Garcia, duke përdorur pseudonimin e futbollistit 26-vjeçar, i cili u kthye në stërvitjen e Liverpool të premten.
ELN, të cilët janë një grup rebel, u identifikuan ditën e enjte si organizata përgjegjëse për rrëmbimin e Luis Manuel Diaz. Ata kishin premtuar se do të lironin 58-vjeçarin brenda pak orësh pasi u identifikua nga organizata terroriste.
Tani, në partneritet me Policinë Kombëtare, forcat ajrore dhe ushtrinë, 150 trupa personel ushtarak janë në Barrancas për të ndihmuar në lehtësimin e një procesi dorëzimi të babait të Diaz.
Lexo gjithashtu
