Tifozët e Interit e kanë akoma në mendje rastin e shpërdoruar nga Asllani ndaj Barcelonës në Camp Nou. Por, më shumë nga të gjithë, ky rast nuk hiqet nga sytë e vetë mesfushorit. Në intervistën e dhënë për Gazzetta dello Sport ai i rikthehet edhe njëherë atij momenti.
“Nëse unë nuk mendoj për atë, të tjerët ma kujtojnë vetë. Kur kthehem në qytetin tim ose kur jam në rrugë, është gjithmonë dikush që ma kujton. Pas disa kohësh bëhet e mërzitshme por e pranoj, nuk kam fjetur për katër ditë. Kam kaluar netë duke riparë atë rast.
E kisha të printuar në kokë, doja t’ja jepja Mkhitaryan para, jua garantoj. Pastaj, preferova të ndaloj dhe të pasoj te ai por më mori shumë kohë dhe në atë pikë nuk kisha shumë hapsira, shkoi shumë keq. Isha i shkatërruar por të gjithë më ngushëlluan.
Fatkeqësisht nuk mund të kthehem dot pas, është koha për të ecur përpara. Na pret Porto në Champions por fillimisht duhet të mendojmë për Napolin në Serie A.”-tha mesfushori shqiptar.
Loading ...
