Serxho Ramos merr në dorë situatën te Real Madrid pas rezultateve zhgënyese të javëve të fundit. Kapiteni i “Los Blancos” ka thirrur në mbledhje futbollistët e ekipit, por nuk ka qenë i vetëm si drejtues i këtij takimi.
Ronaldo dhe Modriç gjithashtu ishin pjesë drejtuese e këtij takimi, ndërsa të tjerët krijuan një rreth. Trajneri Zidan qëndroi pak më larg duke dëgjuar fjalimin e kapitenit. “Duhet të bëjmë përpjekje maksimale për të marrë përgjegjësi më të mëdha. Duhet të tregojmë se e meritojmë këtë fanellë që mbajmë veshur. Askujt nuk i lejohet të ketë nënvlerësim në fushën e lojës. Duhet të vrapojmë në maksimumin e forcave tona. Të vetmit që i lejohet të mos vrapojë dhe të bëjë atë që ai mendon se duhet të bëjë, është Ronaldo dhe me të drejtë, sepse shënon 60 gola në sezon”, deklaroi Serxho Ramos.
Fjalën pas kapitenit të Realit e ka marrë edhe Ronaldo: “Së bashku mund t’ia dalim. Kjo është pjesa më e rëndësishme e sezonit. Duhet të jemi të motivuar në maksimum. Unë e di që jemi ekipi më i fortë në botë dhe duhet ta tregojmë në çdo ndeshje këtë gjë”, deklaroi portugezi.
Në fakt, Modriç nuk mbajti fjalim, ndërsa precenca e tij në treshen kryesore mes Ramos dhe Ronaldos në këtë mbledhje tregon se kroati është bërë një nga futbollistët me rëndësi te Reali.
Loading ...
