Peshëngritësi Erkand Qerimaj ka qenë i ftuar në emisionin "Wake UP" në Top Channel" pak minuta më parë, ku ka folur për marrjen e medaljes së bronzit në Botërorin e peshëngritjes zhvilluar në SHBA. Ai ka zbuluar detaje nga kontrollet që ministia e Sportit ka zhvilluar para Botërorit, duke specifikuar se sportistët nuk janë kontrolluar të gjithë.
"Në momentin që u bënë kontrolle nga ministria, pati persona që nuk u paraqitën dhe në ministri e dinë mirë se kush nuk ka bërë kontrollin e dopingut nuk është nevoja që të flasim ne për këtë gjë. Dihet mirë se kush nuk ka bërë kontrollet e nevojshme. I kam pyetur ata të ministrisë se pse nuk i kontrollojnë të gjithë, më kanë thënë që, disa janë këtu disa nuk janë. Situata aktuale është si ajo tenxherja me presion".
I pyetur se a e ka bërë Romela Begaj kontrollin e dopingut, Qerimaj është përgjigjur: "Nuk e di se çfarë ka bërë një Greqi sepse atje e ka kryer stërvitje. Por e thashë, ministria është në dijeni të personave që nuk kanë zhvilluar kontrollin e dopingut", është shprehur Qerimaj.
Lexo gjithashtu
